Хто такая Марыя Рэса, якая сёння атрымала Нобелеўскую прэмію міру разам з Дзмітрыем Муратавым?
Гісторыя журналісткі вельмі паказальная для Беларусі, можна знайсці шмат паралеляў.
Рэса на чале мясцовага выдання Rappler змагалася з аўтакратам — прэзідэнтам Філіпін Радрыга Дутэртэ, які зрабіў з журналістаў «ворагаў №1», паведамляе Еўрарадыё. Пад яго кіраўніцтвам ў краіне была створаная «сетка ботаферм», якая займалася цкаваннем медыяў.
Rappler расследаваў дзейнасць гэтай «фабрыкі троляў». Тады праз «ботаферму» пачалася траўля супрацоўніц выдання. У сацсетках іх называлі прастытуткамі. Быў запушчаны хэштэг «Пасадзіце Марыю».
Чым гэта скончылася? Марыя Рэса у 2018 годзе вярнулася з эміграцыі на Філіпіны, каб быць арыштаванай і кінутай у турму. Яе абвінавацілі ў кіберпаклёпе, махлярстве, ухіленні ад выплаты падаткаў і атрыманні грошай ад ЦРУ (заходніх лялькаводаў).
У чэрвені 2020-га суд прызнаў яе вінаватай. Марыі Рэса пагражае ад 6 месяцаў да 6 гадоў турмы і штраф да $8 тысяч.
Читайте также
Оцените статью
1 2 3 4 5Читайте еще
Избранное