Политика
Юры Дракахруст, Радыё Свабода

Лявонцьеў гаворыць тое, пра што пакуль маўчыць Крэмль?

Учорашні выпуск праграмы “Однако” на ОРТ быў прысьвечаны беларускім выбарам. Са зьместу камэнтара аўтара праграмы Міхаіла Лявонцьева робіцца больш зразумелым, што азначае віншаваньне Пуціна, накіраванае Лукашэнку, і якія месца і ролю адводзіць Беларусі і Лукашэнку прынамсі частка расейскай палітычнай эліты.

Міхаіл Лявонцьеў казаў:

“Калі параўноўваць беларускія выбары, то хай ужо даруюць мне народ і прэзыдэнт сувэрэннай Беларусі, параўноўваць іх больш дарэчы з выбарамі ў буйным расейскім рэгіёне — у Татарстане ці Краснадарскім краі. І якія ў такім выпадку ў каго прэтэнзіі? Ды і сам Аляксандар Рыгоравіч, калі меў у свой час сур’ёзныя падставы змагацца за лідэрства на агульнасаюзным узроўні, то цяпер збольшага засяроджаны на складаных унутрыбеларускіх праблемах”.

Апошнюю тэзу Лявонцьеў праілюстраваў кадрамі са стужкі “Залатое цяля”, дзе Астап Бэндэр гаворыць: “Графа Монтэ-Крыста зь мяне не атрымалася , давядзецца перакваліфікавацца ва ўпраўдомы”.

Далей аглядальнік ОРТ сфармуляваў прынцып, які ў далейшым можа вызначаць двухбаковыя адносіны: “Беларусь — безумоўна сувэрэнная краіна, але сувэрэнітэт ёй гарантуе толькі Расея”.

Оцените статью

1 2 3 4 5

Средний балл 0(0)