«Купалаўцы» паставілі спектакль паводле рамана Сяргея Пясецкага
Прэм’ера адбудзецца ўжо 4 снежня.
Прэм’ера адбудзецца ўжо 4 снежня на фестывалі ў Кракаве.
Незалежная тэатральная група «Купалаўцы» адкрые другі сезон спектаклем «Запіскі афіцэра Чырвонай Арміі» паводле аднайменнага раману Сяргея Пясецкага.
Прэм’ера адбудзецца жыўцом у межах фэсту «Боская камедыя» на пляцоўцы «Małopolski Ogród Sztuki» ў Кракаве. А праз месяц пастаноўку змогуць убачыць беларусы па ўсім свеце – анлайн на ютуб-канале вольных Купалаўцаў.
«Запіскі…» – самы вядомы раман афіцэра, публіцыста і пісьменніка Сяргея Пясецкага – убачылі свет у 1948 годзе ў Вялікабрытаніі.
Кніга, якая лічыцца прыкладам жорсткай сатыры, апісвае падзеі Другой сусветнай вайны ў Вільнюсе і Гродне, з досыць чорным гумарам перадаючы сутнасць савецкай ідэалогіі і светапогляд «хома савецікус». Ажно да 1990 года раман быў забаронены ў Польшчы.
На беларускую мову кнігу пераклаў Алесь Астраўцоў, пастаноўку зрабіў рэжысёр Мікалай Пінігін, сцэнаграфію – мастачка Кацярына Шымановіч.
У новым спектаклі купалаўцаў занятыя Віктар Манаеў, Зоя Белахвосцік, Ігар Сігоў, Сяргей Чуб, Валянціна Гарцуева, Андрэй Дробыш, Аляксандр Паўлаў і іншыя акцёры.
Оцените статью
1 2 3 4 5Избранное