Общество

«Бацьку цяжка было на гэта глядзець». Сям‘і Мікіты Крыўцова аддалі цела сына для пахаваньня

Бацька Мікіты Крыўцова ў прысутнасьці незалежнага судова-мэдычнага экспэрта і адваката агледзеў цела сына ў моргу, піша Радыё Свабода.

«Паводле нашага экспэрта, трэба дачакацца вынікаў дасьледаваньняў, найперш гісталягічных, — паведаміў Радыё Свабода адвакат Крыўцовых Віктар Мацкевіч. — Цела за гэты час моцна зьмянілася. Бацьку вельмі цяжка было на гэта глядзець».

Паводле экспэрта, як перадае адвакат, «адбыліся выразныя гніласныя зьмены мяккіх тканак цела, паказаліся  косьці».

Жыхар Маладэчна Мікіта Крыўцоў зьнік 11 жніўня 2020 году. З 12 жніўня жонка заявіла пра ягонае зьнікненьне. Перад зьнікненьне ён хадзіў на акцыі пратэсту.

22 жніўня цела Мікіты Крыўцова знайшлі ў лесапарку ў раёне вуліцы Парніковай у Менску. Паводле інфармацыі СК, ягоная сьмерць ня носіць крымінальнага характару. Сям’я Мікіты Крыўцова не пагадзілася з вэрсіяй «самагубства» і падала заяву ў Сьледчы камітэт

Оцените статью

1 2 3 4 5

Средний балл 2.3(4)