«А замест песняў — хрусцяць хрыбты». Журналістка Кацярына Андрэева ў зняволенні напісала верш

Ён расказаў, што верш быў напісаны яшчэ зімой і гэта не першы яе твор, што піша Кацярына Андрэева.

— Звычайна яна просіць іх нікому не паказваць, але гэты я вырашыў усё ж апублікаваць, — адзначыў Ігар Ільяш.

Над белым полем -

               Зімовым морам

У цішыні

               І сярод турбот

Над маім шчасцем

               І маім болем

Каторы месяц,

               Які ўжо год

Ляціць, трымціць,

              Нявымоўна ззяе

На чорнай коўдры

              Родных нябёс

Мая самотная

               І нямая

Мая адзіная

              Зорка-лёс.

Я ёй малюся, яе

               Баюся

Яе спрабую

               Не заўважаць.

А прыйдзе час —

               Назаўжды спынюся

Пад зорным позіркам

               Спачываць.

Пакуль блукаю

              Глухою сцежкай

Дзе звер пакінуў

              Свае сляды

Ужо не страшна,

              Ужо не смешна

Ужо ніякай

               Няма бяды

У тым што сціхлі

               Навокал песні

А замест песняў —

               Хрусцяць хрыбты.

У любым краі,

                Дзе на прадвесні

У вакно астрогу

                Мне ззяеш Ты.

Нагадаем, у красавіку стала вядома, што Кацярыне Андрэевай прад'явілі абвінавачанне па ч. 1 арт. 356 («Здрада дзяржаве»). Палітзняволенай пагражае ад 7 да 15 год пазбаўлення волі. Не выключана, што суд адбудзецца ў маі.

Пры гэтым менш чым праз паўгода журналістка павінна была выйсці з турмы пасля поўнага заканчэння тэрміна. За краты яе адправілі за стрым з Плошчы перамен.